Bachelor of Science Management (Public) General (External) Degree Registration Renewal for 2014 Intake

විද්‍යාවේදී කළමනාකරණ (රාජ්‍ය) සාමාන්‍ය (බාහිර) උපාධි පාඨමාලාව ශිෂ්‍ය ලියාපදිංචිය දීර්ඝ කිරීම - 2014 බඳවා ගැනීම

නව විෂය නිර්දේශය යටතේ 2014 වර්ෂයේදී විද්‍යාවේදී කළමනාකරණ (රාජ්‍ය) සාමාන්‍ය (බාහිර) උපාධිය සඳහා බඳවා ගත් බාහිර උපාධි අපේක්ෂකයින්ගේ ලියාපදිංචියේ පළමු අදියර (පළමු වසර 3) සහ ලියාපදිංචියට අදාළ සියලුම විභාග අවසන් වී ඇති අතර, තව දුරටත් අධ්‍යයන කටයුතු කරගෙන යාමට අවශ්‍ය ශිෂ්‍ය ශිෂ්‍යාවන් වෙතොත් එම ලියාපදිංචිය දීර්ඝ කරගත යුතුය.

ලියාපදිංචිය දීර්ඝ කිරීමට අදාළ අයදුම්පත සහ මුදල් ගෙවිය යුතු ගිණුම් අංකය පහතින් ඇති සබැඳිය හරහා බාගත (Download) කරගත හැක. එසේ ලබාගන්නා අයදුම්පත් නියමිත ගාස්තු ගෙවීමෙන් අනතුරුව අදාළ රිසිට්පත සහ ශිෂ්‍ය වාර්තා පොතද සමඟ සහකාර ලේඛකාධිකාරි, බාහිර උපාධි හා විස්තාරිත පාඨමාලා ඒකකය, තැපැල් පෙට්ටිය අංක 10, ශ්‍රී ජයවර්ධනපුර විශ්වවිද්‍යාලය, ගංගොඩවිල, නුගේගොඩ යන ලිපිනයට ලියාපදිංචි තැපෑලෙන් එවිය යුතුය. අයදුම්පත් බහා එවනු ලබන කවරයේ ඉහළ වම් කෙළවරේ “ලියාපදිංචිය දීර්ඝ කිරීම – විද්‍යාවේදී කළමනාකරණ (රාජ්‍ය) සාමාන්‍ය (බාහිර) උපාධි පාඨමාලාව ” යනුවෙන් සඳහන් කළ යුතුය.

ලියාපදිංචිය දීර්ඝ කිරීමේ ගාස්තු

ලියාපදිංචිය දීර්ඝ කිරීමේ ගාස්තු වසරක් සඳහා රු.5000.00

මෙම ලියාපදිංචිය දීර්ඝ කිරීම වසරක් සඳහා වලංගු වන අතර නව නිර්දේශය යටතේ ඉදිරියේදී පැවැත්වීමට නියමිත විද්‍යාවේදී කළමනාකරණ (රාජ්‍ය) සාමාන්‍ය (බාහිර) උපාධි I, II සහ III පුනර් පරීක්ෂණ සඳහා අයදුම් කිරීමට අවස්ථාව ලැබෙනු ඇත.

උපාධිය සම්පූර්ණ කිරීම සඳහා ලබා දෙන සම්පූර්ණ කාලය වසර 7 ක් වන අතර එම කාලසීමාවෙන් පසු ලියාපදිංචිය දීර්ඝ කරනු නොලැබේ. තවත් අවස්ථා තුනකදී ලියාපදිංචිය දීර්ඝ කිරීමට අවස්ථාව ඇති අතර ඒ සම්බන්ධව ඉදිරියේදී ඔබව දැනුවත් කරනු ඇත.

ලියාපදිංචිය දීර්ඝ කිරීම සඳහා එක් අයදුම්කරුවෙකු වෙනුවෙන් සුවිශේෂී ගිණුම් අංකයක් බැගින් ඇති අතර තමාට අදාළ ගිණුම් අංකයට පමණක් ගෙවීම් කළ යුතුය. (එහි ඡායාපිටපතක් ළඟ තබා ගන්න.)

Join Us on Social Media