විද්‍යාවේදී ව්‍යාපාර පරිපාලන (සාමාන්‍ය) බාහිර උපාධි III (පුනර්) පරීක්ෂණය 2023 ජූලි/අගෝස්තු ප්‍රතිඵල නිකුත් කිරීම

1. 2014, 2016, 2017 විද්‍යාවේදී ව්‍යාපාර පරිපාලන (සාමාන්‍ය) බාහිර උපාධි III (පුනර්) පරීක්ෂණයට අදාළ ප්‍රතිඵල ලේඛන ඉදිරි සතිවලදී ලියාපදිංචි තැපෑලෙන් ඔබ වෙත ලැබෙනු ඇත. (නව නිර්දේශයට අන්තර්ග්‍රහණය කළ සිසුන්ට වෙබ් අඩවිය හරහා පමණක් ප්‍රතිඵල නිකුත් වේ.)

2. උක්ත පරීක්ෂණයෙන් නිකුත් කරන ලද ප්‍රතිඵල අනුව උපාධි III පරීක්ෂණය සමත්ව ඇති, මින් පෙර පැවැත්වූ විභාග වලදී උපාධි I හා උපාධි II පරීක්ෂණ සමත්ව සිටීම නිසා උපාධිය සම්පූර්ණ වන සිසුන් සඳහා විශ්වවිද්‍යාලීය සනාතන සභාවෙන් අනුමැතිය ලද පසු උපාධිය බල පැවැත්වෙන දිනය (Effective date) සහිතව ලිපි නිකුත් කරනු ලැබේ.

3. උපාධි ප්‍රදානෝත්සව අයදුම්පත් සහ උපාධිලාභීන්ගේ නාම ලේඛනය www.external.sjp.ac.lk වෙබ් අඩවියේ Convocation යටතේ 2023 නොවැම්බර් 23 දින සිට පල කෙරේ.

4. උක්ත පරීක්ෂණයේ ප්‍රතිඵල අනුව උපාධි III පරීක්ෂණය අසමත් වන සිසුන් සඳහා

2024 දී පැවැත්වීමට නියමිත විද්‍යාවේදී ව්‍යාපාර පරිපාලන (සාමාන්‍ය) බාහිර උපාධි III (පුනර්) පරීක්ෂණය සඳහා අයදුම්පත් සහ ප්‍රතිඵල නැවත සමීක්ෂණ අයදුම්පත් ඉදිරි දිනවලදී www.external.sjp.ac.lk වෙබ් අඩවියේ පමණක් පල කිරීම සිදු වන අතර ඒවා සමග පල කරනු ලබන විස්තර පත්‍රිකා පරිශීලනය කර විභාග අයදුම් කළ යුතු වේ.

උපාධි III පරීක්ෂණය සඳහා නියමිත විභාග අවස්ථා 05 ම අවසන් වූ 2011, 2014 අධ්‍යයන වර්ෂයන්හි ලියාපදිංචි සිසුන් සහ උපාධි III පරීක්ෂණය සඳහා නියමිත විභාග අවස්ථා 03 ම අවසන් වූ පැරණි නිර්දේශයේ සිට නව නිර්දේශයට අන්තර්ග්‍රහණය කළ සිසුන් සඳහා නැවත අයදුම් කළ නොහැකි බවද සලකන්න.

සහකාර ලේඛකාධිකාරී
බාහිර උපාධි හා විස්තාරිත පාඨමාලා ඒකකය
2023-10-23

විමසීම් : 011 3485403
(සතියේ දින පෙ.ව. 9.00 - ප.ව. 4.15)

ඔබේ ජාතික හැඳුනුම්පත් අංකය පහතින් ඇතුලත් කර තාවකාලික ප්‍රතිඵල ලේඛනය මුද්‍රණය කරගන්න